ਭਾਵੇਂ ਨਾ ਦਿੱਤੀ ਹੋਵੇ ਸਾਨੂੰ ਰਬ ਨੇ,
ਕੋਈ ਬਹੁਤ ਵੱਡੇ ਪੱਧਰ ਦੀ ਅਖਤਿਆਰੀ।
ਪਰ ਦਿਲੋਂ ਕਹੀਏ ਅਸੀਂ ਖੁਸ਼ ਹਾਂ,
ਕਿਉਂਕਿ ਮਹਿੰਗੀ ਨਾ ਪਈ ਸਾਨੂੰ ਖੁਦ-ਮੁਖਤਿਆਰੀ।
ਰੰਗਲੀ ਦੁਨੀਆ ਨੂੰ ਕਦਮਾਂ'ਚ ਝੁਕਾਉਣ ਦਾ ਸ਼ੌਂਕ ਕੋਈ ਨਾ,
ਗਲ ਲਾਕੇ ਰਖੀਏ ਇਸਨੂੰ ਕਿਉਂਕਿ ਲਗਦੀ ਇਹ ਪਿਆਰੀ।
ਕਿਵੇਂ ਬਣੀਏ ਬਿਰਹਾ ਦੇ ਦੂਜੇ ਸੁਲਤਾਨ ਅਸੀਂ ??
ਗੁਰਮੁਖ ਹਿਰਦਾ ਵੇਖੇ ਚਾਰ-ਚੌਫੇਰੇ ਅਕਾਲ-ਪੁਰਖ ਦੀ ਪਸਾਰੀ।
ਆਪਣੀ ਫਕੀਰੀ ਤੇ ਮਾਨ ਨਹੀਂ ਕਰਨਾ ਆਉਂਦਾ ਸਭ ਨੂੰ,
ਨਾਮੀ ਸ਼ਖਸ ਨਾ ਸਹੀ ਪਰ ਨਹੀਂ ਕਿਸੇ ਹਾਕਮ ਨੂੰ ਜਵਾਬ-ਦਾਰੀ।
ਹੁਣ ਤਾਂ ਪੂਰੀ ਦੁਨੀਆ ਨੂੰ ਸਮਝ ਜਾਣਾ ਚਾਹੀਦਾ,
ਕਿ ਹਰਮਨ ਸਿੰਘ ਸਡਾਨਾ ਨੂੰ ਸਚ ਬੋਲਣ ਦੀ ਬਿਮਾਰੀ।
No comments:
Post a Comment